ഗോൾഡ് കോയിൻ മോഷൻ പിക്ച്ചേഴ്സിന്റെ ബാനറിൽ പ്രിത്വിരാജും ബിജുമേനോനും ടൈറ്റിൽ കഥാപാത്രമായി എത്തുന്ന ചിത്രമാണ് അയ്യപ്പനും കോശിയും.അനാർക്കലിയ്ക്ക് ശേഷം ഇരുവരും ഒന്നിക്കുന്ന ചിത്രംകൂടിയാണ് ഇത്.അട്ടപ്പാടിയുടെ പശ്ചാത്തലത്തിലാണ് ചിത്രം കഥ പറയുന്നത്.സംവിധായകൻ രഞ്ജിത് ,പി.എം. ശശിധരൻ എന്നിവർ ചേർന്നാണ് ചിത്രം നിർമ്മിക്കുന്നത് .

അട്ടപ്പാടി എന്ന സ്ഥലത്തെയും അവിടുത്തെ ജനങ്ങളുടേയും അവരുടെ ജീവിത സാഹചര്യങ്ങളേയും ചെറുതായി വരച്ചുകാട്ടി പിന്നീട് രണ്ട് വ്യക്തികളുടെ പകയിലേക്ക് കൂടുതൽ ഊന്നൽ കൊടുത്ത എൻഗേജിംഗ് എന്റർടെയ്നർ ആണ് അയ്യപ്പനും കോശിയും.
കുറിക്ക് കൊള്ളുന്ന റിയലിസ്റ്റിക്ക് സംഭാഷണങ്ങളും വൃത്തിയുള്ള തമാശകളും തിരക്കഥയുടെ മേന്മയാണ്.മാത്രമല്ല ടെക്നിക്കലി വെൽസൗണ്ടായ സിനിമയാണ്. ഇതെല്ലാം തന്നെ സിനിമ കാണാൻ ഒരു കാരണമായി കരുതാം.

ജെയ്കിന്റെ ഈണങ്ങൾക്ക് അട്ടപ്പാടിയുടെ വന്യമായ താളം കൂടി ആയപ്പോൾ അത് സിനിമയുടെ പെയ്സിന് നന്നായി ഗുണം ചെയ്തു..നരേഷന്റെ സ്വഭാവത്തിനു അത്രമേൽ ഇണങ്ങിയ പശ്ചാത്തല സംഗീതം തന്നെയെന്ന് പറയാതെ വയ്യ. സുധീപ് ഇളമണിലൂടെ അട്ടപ്പാടിയുടെ നിഗൂഢ സൗന്ദര്യം കൂടുതൽ ഹൃദ്യമായി. സംഘട്ടനങ്ങളുടെ താളവും വേഗവും സംഗീതത്തിലെന്ന പോലെ തന്നെ ഫ്രെയിമിലും പ്രകടമായിരുന്നു.

മൊത്തത്തിൽ പറഞ്ഞാൽ എല്ലാവരും തീർച്ചയായും തീയേറ്ററിൽ തന്നെ കാണേണ്ട സിനിമ ആണ് അയ്യപ്പനും കോശിയും. ഒരു തരത്തിലും ബോർ അടിക്കുകയോ മടുപ്പിക്കുകയോ ചെയ്യുന്നില്ല എന്ന് തന്നെ ആണ് ചിത്രത്തിന്റെ സവിശേഷത. വേറിട്ട ഒരു അനുഭവവും എല്ലാവർക്കും ഇഷ്ടമാവുകയും ചെയ്യുന്ന ഒരു സിനിമ ആണ് ഇത്.

ദുൽഖർ സൽമാൻ ആദ്യമായി തന്റെ വേഫെയ്റർ ഫിലിംസിന്റെ ബാനറിൽ നിർമിക്കുന്ന അനൂപ് സത്യൻ ചിത്രം “വരനെ ആവശ്യമുണ്ട്” ഇന്ന് തീയേറ്ററുകളിൽ എത്തിയിരിക്കുകയാണ്. സുരേഷ് ഗോപി, ശോഭന എന്നിവർ ഒരു ഇടവേളയ്ക്ക് ശേഷം ഒന്നിക്കുന്ന ചിത്രം പറയുന്നത് രണ്ടു തലമുറകളിലെ പ്രണയകഥയാണ്.

ചെന്നൈയിലെ ഒരു അപ്പാർട്ട്മെന്റ് കോംപ്ലെക്സിലെ കുറച്ചു കഥാപാത്രങ്ങളിലൂടെയാണ് ചിത്രം സഞ്ചരിക്കുന്നത്. അവിടെ താമസമാക്കിയ നീന ഒരു സിംഗിൾ മദറും ഫ്രഞ്ച് അധ്യാപികയും കൂടിയാണ്. നീനയുടെ മകളാണ് നിക്കി എന്ന് വിളിക്കുന്ന നിഖിത. അറേഞ്ചഡ് വിവാഹത്തിനോട് മാത്രമേ നിഖിതക്ക് താല്പര്യമുള്ളൂ. അവരുടെ ഇടയിലേക്കാണ് മേജർ ഉണ്ണികൃഷ്ണന്റെ വരവ്. പക്ഷേ ഒരു വിവാഹ ചടങ്ങിനെത്തിയാൽ പോലും മുട്ടിടിക്കുന്ന ആള് കൂടിയാണ് മേജർ. അതോടൊപ്പം തന്നെ ഫ്രോഡ് എന്ന വിളിപ്പേരുള്ള ഒരു യുവാവും അവിടെ താമസക്കാരനാകുന്നു. ഇവരുടെ ജീവിതത്തിൽ നടക്കുന്ന കൊച്ചു കൊച്ചു സംഭവങ്ങൾ രസകരമായി അവതരിപ്പിച്ചിരിക്കുന്ന ചിത്രമാണ് വരനെ ആവശ്യമുണ്ട്.

മലയാളത്തിലെ ഏറ്റവും മികച്ച നടി എന്ന് വിശേഷിപ്പിക്കാവുന്ന ശോഭനയുടെ ഒരു മികച്ച തിരിച്ചു വരവാണ് ഈ സിനിമ. സുരേഷ് ഗോപിയുടെ ഏറ്റവും വ്യത്യസ്തമായ കഥാപാത്രമാണ് മേജർ ഉണ്ണികൃഷ്ണൻ. ഒറ്റപ്പെട്ട് ജീവിക്കുന്ന മേജർ ആളുകളോട് ഇടപെട്ടു തുടങ്ങിയതിന് ശേഷമുള്ള രംഗങ്ങളൊക്കെ അദ്ദേഹം ഗംഭീരമായി ചെയ്തു. പോലീസ് വേഷങ്ങളിൽ തളച്ചിട്ടത് കാരണം മലയാള സിനിമ നന്നായി ഉപയോഗപ്പെടുത്താത്ത നടനായിരുന്നു സുരേഷ് ഗോപി .സുരേഷ് ഗോപി – ശോഭന ടീമിനെ തിരിച്ചു കൊണ്ടുവന്ന സംവിധായകന് അഭിനന്ദനങ്ങൾ.

ചുരുക്കത്തിൽ ക്ലീൻ ഫാമിലി എന്റർട്ടേയ്നർ ആണ് വരനെ ആവശ്യമുണ്ട് എന്ന ചിത്രം. തീർച്ചയായും തീയേറ്ററിൽ കുടുംബത്തോടപ്പം കണ്ടാസ്വദിക്കേണ്ട നല്ലൊരു സിനിമ. ഒരുപാട്‌ ചിരിക്കാനും രസിക്കാനും ഏതൊരു പ്രായക്കാർക്കും ആസ്വദിക്കാൻ പറ്റുന്ന തരത്തിൽ ചിത്രത്തെ അണിയിച്ചൊരുക്കിയ അനൂപ്‌ തന്നെയാണ് ഹീറോ.

ലില്ലി എന്ന നിരൂപക ശ്രദ്ധ നേടിയ ചിത്രത്തിന് ശേഷം പ്രശോഭ് വിജയൻ ഒരുക്കി ഇന്ന് തീയേറ്ററുകളിൽ എത്തിയ പ്രധാന റിലീസുകളിൽ ഒന്നാണ് ജയസൂര്യ നായകൻ ആകുന്ന അന്വേഷണം. E4 Entertainment നിർമിച്ച ചിത്രം പറയുന്നത് ഒരു അപകടം മൂലം ആശുപത്രിയിൽ എത്തുന്ന കുട്ടിയിൽ നിന്ന് തുടങ്ങുന്ന അന്വേഷണമാണ്.

ചിത്രത്തോടുള്ള നമ്മുടെ പ്രതീക്ഷകളെ തൃപ്തിപ്പെടുത്തും വിധമുള്ള ഒരു ഇമോഷണൽ ഡ്രാമ ത്രില്ലർ ആണ് അന്വേഷണം. സിനിമയുടെ സസ്‌പെൻസ് വെളിപ്പെടുത്തുന്നത് സിനിമ തീരുന്നതിന് 5മിനിറ്റ് മുൻപാണ് എന്നത് ഒരു ശ്രദ്ധേയ കാര്യം തന്നെയാണ്. ഹോസ്പിറ്റലിലെ സംഭവങ്ങളെ കോർത്തിണക്കി ശരിയുടെയും തെറ്റിന്റെയുണ് ഇടയിലൂടെയുള്ള യാത്രയാണ് ഈ സിനിമ. പൂർണ്ണതയുള്ള സംവിധാനവും ചിത്രത്തെ ഒരു നല്ല അനുഭവമാക്കിമാറ്റി ആവിഷ്കാരം ചെയ്ത് വിജയിച്ചിരിക്കുന്നു സംവിധായകൻ ഇവിടെ.

അഭിനേതാക്കളുടെ പ്രകടനം തന്നെയാണ് അന്വേഷണത്തിന്റെ നട്ടെല്ല്.കേന്ദ്ര കഥാപാത്രങ്ങളായ ജയസൂര്യക്കും ശ്രുതി രാമചന്ദ്രനും ഒപ്പം തന്നെ വിജയ് ബാബുവും ലിയോണ ലിഷോയും ലെനയും നന്ദുവും ലാലും ഒക്കെ തന്നെ തങ്ങളുടെ വേഷങ്ങൾ മികച്ചതാക്കിയിട്ടുണ്ട്.ഇമോഷണൽ സീനുകളിൽ കൃത്യമായി പ്രേക്ഷകരെ കണക്ട്ട് ചെയ്യാൻ സംവിധായകന് സാധിച്ചത് വലിയൊരു പോസിറ്റീവ് വശമാണ്.

വർഷം തുടങ്ങുമ്പോൾ തന്നെ മറ്റൊരു ത്രില്ലർ ചിത്രം നമുക്ക് ലഭിച്ചിരിക്കുകയാണ്. എല്ലാ മാതാപിതാക്കളും തങ്ങളുടെ മക്കളോടൊപ്പം നിർബന്ധമായും കണ്ടിരിക്കേണ്ട സിനിമയാണ് അന്വേഷണം. തീർച്ചയായും ഏതെങ്കിലും ഒരു ഭാഗത്തു നിങ്ങൾക്ക് നിങ്ങളെ തന്നെ കാണാൻ സാധിക്കും. തീയേറ്ററിൽ തന്നെ പോയി ആസ്വദിക്കേണ്ട മികച്ച സിനിമ അനുഭവമാണ് അന്വേഷണം.