മലയാള സിനിമ ഇനിയും വേണ്ടവണ്ണം ഉപയോഗിക്കാത്ത താരമാണ് ഹരിഷ് ഉത്തമൻ. ദേവന് ശേഷം മലയളം കണ്ട സുന്ദരവില്ലൻ അങ്ങനെ വിശേഷിപ്പിക്കാം താരത്തെ. വില്ലൻ കഥാപാത്രങ്ങളാണ് താരത്തെ ഏറെ തേടിയെത്തുന്നത് എങ്കിലും, തനിക്ക് ലഭിക്കുന്ന കഥാപാത്രങ്ങളിൽ ആവർത്തന വിരസത വരാതിരിക്കാൻ നടൻ എന്ന നിലയിൽ ഹരീഷ് ശ്രദ്ധ ചെലുത്തു എന്ന് പറയാം. തമിഴ്, തെലുങ്ക് കന്നഡ സിനിമകളിൽ വളരെ തിരക്ക് നിറഞ്ഞ ഷെഡ്യൂളുകൾക്കിടയിലും മലയാളത്തിൽ ലഭിക്കുന്ന സിനിമകളിൽ തനിക്ക് പറ്റാവുന്ന രീതിയിൽ സഹകരിക്കുന്നുമുണ്ട്. ‘ഭീഷ്മപർവ്വം’ എന്ന ചിത്രത്തിൽ ഹരീഷിന്റെ അഭിനയം ഏറെ പ്രശംസ നേടിയിരുന്നു. സംവിധായകർ ഇനി ഹരീഷിനെ വില്ലൻ കഥാപാത്രങ്ങളിൽ നിന്ന് മാറ്റി പരീക്ഷിക്കാൻ തയ്യാറായാൽ സ്ക്രീനിൽ അത്ഭുതങ്ങൾ പ്രതീക്ഷിക്കാം. അത്തരത്തിൽ മാറ്റം പ്രതീക്ഷിക്കാവുന്ന കഥാപാത്രമായിരിക്കും “ഇനി ഉത്തരം” എന്ന ചിത്രത്തിൽ താരം അവതരിപ്പിക്കുന്ന പോലീസ് കഥാപാത്രമായ ഇളവരസ്സ് എന്ന് പ്രതീക്ഷിക്കുന്നു .

കോയമ്പത്തൂരിലെ ഒരു മലയാളി കുടുംബത്തിൽ ജനിച്ച ഹരീഷ് ഉത്തമൻ പഠനത്തിനുശേഷം പാരമൗണ്ട് എയർവേയ്സിൽ കാബിൻക്രുവായി ഉദ്യോഗം ചെയ്തു വരികയായിരുന്നു. മൂന്ന് വർഷത്തിന് ശേഷം ആ ജോലി വിട്ട് ഒരു കോമേഴ്സൽ കമ്പനിയിൽ കയറി. അവിടെ വർക്ക് ചെയ്യുന്നതിനിടയിലാണ് തമിഴ് സംവിധായകൻ സൂര്യ പ്രഭാകരനാണ് ഹരീഷിന് സിനിമയിൽ അഭിനയിക്കാനുള്ള അവസരം ഒരുക്കിയത്. സൂര്യ പ്രഭാകരൻ സംവിധാനം ചെയ്ത ‘താ’ എന്ന തമിഴ് സിനിമയിൽ നായകനായിട്ടാണ് ഹരീഷ് ഉത്തമന്റെ സിനിമാ തുടക്കം. ആ ചിത്രത്തിലെ അഭിനയത്തിന് അദ്ദേഹത്തെ തേടി നോർവേ തമിഴ് ഫിലിം ഫെസ്റ്റിവെലിൽ മികച്ച നവാഗത നടനുള്ള അവാർഡും തേടിയെത്തി.അതെ വർഷം തന്നെ ‘ഗൗരവം’ എന്ന തെലുങ്ക് സിനിമയിലും അഭിനയിച്ചു. 2011ൽ ‘മുംബൈ പോലീസ്’ എന്ന സിനിമയിലൂടെയാണ് ഹരീഷ് മലയാളത്തിലെത്തുന്നത്. പിന്നീട് മായാനദി, കോടതി സമക്ഷം ബാലൻ വക്കീൽ, കൽക്കി, ഭീഷ്മ പർവ്വം തുടങ്ങിയ മലയാള സിനിമകളിൽ ശ്രദ്ധേമായ വേഷങ്ങളിൽ എത്തി. അടുത്ത വർഷം കൈദി2, വിക്രം2 എന്നിവയാണ് ഹരീഷിന് വമ്പൻ പ്രതീക്ഷയുള്ള സിനിമകൾ .പോലീസ് വേഷം ചെയ്യണ്ടാ എന്ന തീരുമാനത്തിൽ നിൽക്കുമ്പോഴണ് ഹരീഷിനെ തേടി ഇനി ഉത്തരം എന്ന സിനമയുടെ കഥയുമായി അണിയറപ്രവർത്തകർ ചെല്ലുന്നത് ആദ്യം നിരസിച്ചുവെങ്കിലും കഥ കേട്ട് ത്രില്ലടിച്ചതോടെയാണ് ഇനി ഉത്തരം ചെയ്യാമെന്ന തീരുമാനത്തിലേക്ക് ഹരീഷ് എത്തിയത്.

നവാഗതനായ സുധീഷ് രാമചന്ദ്രൻ അപർണ്ണാ ബാലമുരളിയെ കേന്ദ്ര കഥാപാത്രമാക്കി ഒരുക്കുന്ന “ഇനി ഉത്തരം” ഒക്ടോബർ ഏഴിന് പ്രദർശനത്തിന് എത്തുമെന്ന് അണിയറ പ്രവർത്തകർ അറിയിച്ചു. എ&വി എന്റർടൈൻമെന്റിന്റെ ബാനറിൽ വരുൺ, അരുൺ എന്നീ സഹോദരങ്ങൾ നിർമിക്കുന്ന ഈ ചിത്രത്തിൽ അപർണ്ണ ബാലമുരളി പ്രധാന കഥാപാത്രമായ ജാനകിയെ അവതരിപ്പിക്കുന്നത്. ഹരീഷ് ഉത്തമൻ, ചന്തുനാഥ്, സിദ്ധാർഥ് മേനോൻ, സിദ്ദീഖ്, ജാഫർ ഇടുക്കി, കലാഭവൻ ഷാജോൺ, ഷാജു ശ്രീധർ, ജയൻ ചേർത്തല, ദിനീഷ് പി, ഭാഗ്യരാജ് എന്നിവരും ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നു. ഇനി ഉത്തരത്തിന്റെ ഛായാഗ്രാഹകൻ രവിചന്ദ്രനാണ്. വിനായക് ശശികുമാറിന്റെ വരികൾക്ക് ഹിഷാം അബ്ദുൽ വഹാബ് സംഗീതം ഒരുക്കുന്നു. പ്രൊജക്റ്റ് ഡിസൈനർ ആന്റ് മാർക്കറ്റിംങ്-H20 സ്പെൽ, എഡിറ്റർ-ജിതിൻ ഡി.കെ. പ്രൊഡക്‌ഷൻ കൺട്രോളർ റിന്നി ദിവാകർ, വിനോഷ് കൈമൾ. കല അരുൺ മോഹനൻ. മേക്കപ്പ്-ജിതേഷ് പൊയ്യ. വസ്ത്രാലങ്കാരം ധന്യ ബാലകൃഷ്ണൻ. സ്റ്റിൽസ് ജെഫിൻ ബിജോയ്. പരസ്യകല ജോസ് ഡോമനിക്. ഡിജിറ്റൽ പിആർഒ: വൈശാഖ് സി. വടക്കേവീട്. ചീഫ് അസോഷ്യേറ്റ് ഡയറക്ടർ ദീപക് നാരായൺ.

“ഇനി ഉത്തരം” ഒക്ടോബറിൽ റിലീസിന് ഒരുങ്ങുന്നു. നവാഗതനായ സുധീഷ് രാമചന്ദ്രൻ സംവിധാനം ചെയ്ത് അപർണ്ണാ ബാലമുരളി പ്രധാന കഥാപാത്രത്തെ അവതരിപ്പിക്കുന്ന “ഇനി ഉത്തരം” എന്ന ചിത്രത്തിൽ യുവതാരം ചന്തുനാഥ്; പ്രശാന്ത് എന്ന പോലീസ് കഥാപാത്രത്തെയാണ് അവതരിപ്പിക്കുന്നത്. ചിത്രത്തിൽ ഏറെ പ്രാധാന്യമുള്ള കഥാപാത്രമാണ് എസ്.ഐ പ്രശാന്ത് എന്ന് താരം പറയുന്നു. കൂടാതെ ടൈപ്പ് ചെയ്യപ്പെടുന്നു എന്ന വിമർശനത്തിനും കൃത്യമായ മറുപടി തന്റെ പുതിയ സിനിമയിലെ കഥാപാത്രത്തെ പറ്റി സംസാരിക്കുമ്പോൾ ചന്തു പറഞ്ഞു. ഒരു കഥാപാത്രത്തെ തിരഞ്ഞെടുക്കുമ്പോൾ ഒരു പെർഫോമർ എന്ന നിലയിൽ എന്തെങ്കിലും സ്പെയ്സ് ഉള്ള കഥാപാത്രത്തെയാണ് അവതരിപ്പിക്കാറ്. മാത്രമല്ല സിനിമയിൽ ഒരു പാട് ചോയിസ് ഉള്ളൊരാളല്ലെന്നും ചന്തു പറഞ്ഞു. ഇനി ഉത്തരത്തിലെ കഥാപാത്രം പ്രേക്ഷകരുടെ പ്രതിനിധിയായ കഥാപാത്രമാണ്. സിനിമകളുടെ വിജയ പരാജങ്ങൾ സംഭവിക്കുന്നതിനെക്കുറിച്ചും വ്യക്തമായ നിലപാട് ചന്തു പറയുന്നു. സിനിമകളുടെ പ്രമോഷന് ആളുകളെ തീയറ്ററിൽ എത്തിക്കാൻ കഴിയും എന്നാൽ അതിന് ശേഷം എല്ലാം കാണുന്നയാളുടെ കൈയ്യിലാണ് അവർ തള്ളിക്കളഞ്ഞാൽ പിന്നെ ഒന്നും ചെയ്യാൻ പറ്റില്ല. ഒരു സിനിമയുടെ ഭാവി തീരുമാനിക്കപ്പെടുന്നത് പ്രേക്ഷകരുടെ അഭിപ്രായത്തിലാണ്. റിവ്യൂ പറയുന്നവർ മോശമാക്കി കാണിക്കാൻ ശ്രമിച്ച സിനിമകൾ വിജയമായിട്ടുണ്ട് റിവ്യൂകളുടെ അപ്പുറത്തേക്ക് കോമൺമാൻ എന്ന വിഭാഗമാണ് സിനിമയെ വിജയ്പ്പിക്കുന്നത്. പ്രമോഷൻ എന്തായാലും ചെയ്യണം. പക്ഷേ, പ്രേക്ഷകർ സിനിമയെ ഒഴിവാക്കിയാൽ പിന്നെ ഒന്നും ചെയ്യാനില്ല പ്രേക്ഷകരാണ് സിനിമയുടെ എല്ലാം .ചന്തു തന്റെ സിനിമയോടുള്ള കാഴ്ച്ചപ്പാട് കൃത്യമായി പറയുന്നു. പതിനെട്ടാം പടി, മാലിക്ക്, 21 ഗ്രാംസ്, ത്രയം, ട്വൽത്ത് മാൻ, റാം, സിബിഐ 5, മഹേഷും മാരുതിയും തുടങ്ങിയ സിനിമകളിലും ചന്തുനാഥ് പ്രധാനവേഷങ്ങളിൽ അഭിനയിച്ചു.എ&വി എന്റർടൈൻമെന്റിന്റെ ബാനറിൽ വരുൺ, അരുൺ എന്നീ സഹോദരങ്ങൾ നിർമിക്കുന്ന ഈ ചിത്രത്തിൽ അപർണ്ണ ബാലമുരളിയാണ് പ്രധാന കഥാപാത്രമായ ജാനകിയെ അവതരിപ്പിക്കുന്നത്. ഹരീഷ് ഉത്തമൻ, ചന്തുനാഥ്, സിദ്ധാർഥ് മേനോൻ, സിദ്ദീഖ്, ജാഫർ ഇടുക്കി, കലാഭവൻ ഷാജോൺ, ഷാജു ശ്രീധർ, ജയൻ ചേർത്തല, ദിനീഷ് പി, ഭാഗ്യരാജ് എന്നിവരും ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നു. ഇനി ഉത്തരത്തിന്റെ ഛായാഗ്രാഹകൻ രവിചന്ദ്രനാണ്. വിനായക് ശശികുമാറിന്റെ വരികൾക്ക് ഹിഷാം അബ്ദുൽ വഹാബ് സംഗീതം ഒരുക്കുന്നു. എഡിറ്റർ-ജിതിൻ ഡി.കെ. പ്രൊഡക്‌ഷൻ കൺട്രോളർ റിന്നി ദിവാകർ, വിനോഷ് കൈമൾ. കല അരുൺ മോഹനൻ. മേക്കപ്പ്-ജിതേഷ് പൊയ്യ. വസ്ത്രാലങ്കാരം ധന്യ ബാലകൃഷ്ണൻ. സ്റ്റിൽസ് ജെഫിൻ ബിജോയ്. പരസ്യകല ജോസ് ഡോമനിക്. ഡിജിറ്റൽ പിആർഒ: വൈശാഖ് സി. വടക്കേവീട്. ചീഫ് അസോഷ്യേറ്റ് ഡയറക്ടർ ദീപക് നാരായൺ

പ്രശസ്ത നായികാ താരം അപർണ്ണ ബാലമുരളി പ്രധാന വേഷത്തിലെത്തുന്ന ഏറ്റവും പുതിയ ചിത്രമായ ഇനി ഉത്തരം പ്രേക്ഷകരുടെ മുന്നിലെത്താനൊരുങ്ങുകയാണ്. ഒക്ടോബർ ഏഴിന് റിലീസ് ചെയ്യാൻ പോകുന്ന ഈ ചിത്രത്തിന്റെ പോസ്റ്ററുകൾ ഇപ്പോൾ മികച്ച പ്രേക്ഷക ശ്രദ്ധയാണ് നേടുന്നത്. അതിൽ തന്നെ കലാഭവൻ ഷാജോൺ അവതരിപ്പിക്കുന്ന കഥാപാത്രത്തിന്റെ പോസ്റ്റർ മികച്ച പ്രേക്ഷക പ്രതികരണം നേടുന്നുണ്ട്. തന്റെ കരിയറിൽ ഒട്ടേറെ പോലീസ് വേഷങ്ങൾ ചെയ്തിട്ടുള്ള ഷാജോണിന്റെ കരിയറിൽ ബ്രേക്ക് ആയതും ഒരു പോലീസ് വേഷമാണ്. ദൃശ്യമെന്ന മോഹൻലാൽ- ജീത്തു ജോസഫ് ബ്ലോക്ക്ബസ്റ്ററിലെ സഹദേവനെന്ന നെഗറ്റീവ് സ്വഭാവമുള്ള പോലീസ് കഥാപാത്രമായിരുന്നു അത്. അതിന് ശേഷം സമാന സ്വഭാവമുള്ള ഒട്ടേറെ പോലീസ് വേഷങ്ങൾ വന്നതോടെ, പോലീസ് വേഷങ്ങൾ ഒഴിവാക്കാനും ഷാജോൺ തീരുമാനിച്ചിരുന്നു.

എന്നാൽ ഇനി ഉത്തരം എന്ന ചിത്രത്തിന്റെ തിരക്കഥ കേട്ടതോടെ ആ തീരുമാനം മാറ്റി വെച്ച് കൊണ്ട് വീണ്ടും പോലീസ് യൂണിഫോമിലെത്തുകയാണ് ഷാജോൺ. കാക്ക കരുണൻ എന്ന് പേരുള്ള ഒരു പോലീസ് കഥാപാത്രത്തിനാണ് ഷാജോൺ ഈ ചിത്രത്തിൽ ജീവൻ പകരുന്നത്. സഹോദരന്മാർ കൂടിയായ ഇരട്ട തിരക്കഥാകൃത്തുക്കൾ രഞ്ജിത് ഉണ്ണി ടീം രചിച്ച ഈ ചിത്രം, എ ആന്‍ഡ് വി എന്റർടെയ്ൻമെന്റിന്റെ ബാനറിൽ വരുൺ, അരുൺ എന്നിവർ ചേർന്നാണ് നിർമ്മിക്കുന്നത്. ഹരീഷ് ഉത്തമൻ, ചന്തുനാഥ്, സിദ്ധാർഥ് മേനോൻ, സിദ്ദീഖ്, ജാഫർ ഇടുക്കി, കലാഭവൻ ഷാജോൺ, ഷാജുശ്രീധർ, ജയൻ ചേർത്തല, ദിനീഷ് പി,ഭാഗ്യരാജ് എന്നിവരും വേഷമിട്ട ഈ ചിത്രം സംവിധാനം ചെയ്തിരിക്കുന്നത് ജീത്തു ജോസഫിന്റെ അസ്സോസിയേറ്റ് ആയി പ്രവർത്തിച്ച സുധീഷ് രാമചന്ദ്രൻ ആണ്. ഹിഷാം അബ്‍ദുൽ വഹാബ് സംഗീതം പകർന്ന ഈ ചിത്രത്തിന് കാമറ ചലിപ്പിച്ചത് രവിചന്ദ്രൻ, എഡിറ്റ് ചെയ്തത് ജിതിൻ ഡി കെ എന്നിവരാണ്. ഒരു ഫാമിലി ത്രില്ലറായി ഒരുക്കിയ ഈ ചിത്രത്തിന്റെ ട്രൈലെർ സൂപ്പർ ഹിറ്റായി മാറിയിരുന്നു.