കെ ജി എഫ് എന്ന പാൻ ഇന്ത്യൻ റീലീസിന് ശേഷം ആരവങ്ങളുയർത്തി കന്നഡ സിനിമയിൽ നിന്നു മറ്റൊരു വമ്പൻ ചിത്രം പ്രേക്ഷകരുടെ മുന്നിൽ എത്തിയിരിക്കുകയാണ്. കിച്ച സുദീപ് നായകനായി അനൂപ് ഭണ്ടാരി സംവിധാനം ചെയ്തു പുറത്ത് വന്ന ‘ വിക്രാന്ത് റോണ’ ആറായിരത്തിലധികം സ്ക്രീനുകളിലാണ് ഇന്ന് പ്രദർശനത്തിന് എത്തിയത്.തമിഴ്, തെലുങ്ക്, ഹിന്ദി,മലയാളം ഭാഷകളിലും ചിത്രം പ്രേക്ഷകർക്ക് മുന്നിലെത്തിയിട്ടുണ്ട്.കേരളത്തിലെ വിക്രാന്ത് റോണയുടെ വിതരണാവകാശം സ്വന്തമാക്കിയത് ദുൽഖർ സൽമാന്റെ വേഫാറർ ഫിലിംസ് ആണ്.ഇന്ത്യയിലെ ആദ്യത്തെ 3ഡി ക്രൈം ത്രില്ലർ സിനിമ എന്ന ഖ്യാതിയുമായി എത്തുന്ന ചിത്രം വമ്പൻ ബഡ്ജറ്റിലാണ് ഒരുക്കിയിരുക്കുന്നത്. കെ കി എഫ് തീയേറ്ററുകളിൽ തീർത്ത അലയൊലികൾ തുടർന്നു കൊണ്ട് പോകാൻ വിക്രാന്ത് റോണക്ക് ആദ്യ ദിനത്തിൽ തന്നെ സാധിച്ചിട്ടുണ്ട്. മികച്ച പ്രതികരണമാണ് ചിത്രം എല്ലായിടത്തും നേടുന്നത്.രംഗി തരംഗ പോലെയുള്ള ശ്രദ്ധേയമായ സിനിമകൾ ഒരുക്കിയ സംവിധായാകൻ അനൂപ് ഭണ്ടാരി തന്നെയാണ് ചിത്രത്തിന്റെ തിരകഥയും രചിച്ചിരിക്കുന്നത്. കിച്ച ക്രീയേഷൻസും ശാലിനി ആർട്സും ചേർന്നു നിർമ്മിച്ച ചിത്രത്തിന്റെ ചായാഗ്രഹണം വില്യം ഡേവിഡ് നിർവഹിക്കുന്നു, സംഗീതം അജ്നേഷ് ലോകനാഥ്‌. ചിത്രം ഹിന്ദിയിലെത്തിക്കുന്നത് സൂപ്പർ താരം സൽമാൻ ഖാനാണ്. വാർത്താപ്രചരണം – വൈശാഖ് സി വടക്കേവീട്, ജിനു അനിൽകുമാർ

കുറച്ചു ദിവസങ്ങളായി സോഷ്യൽ മീഡിയയിൽ വൈറലായി നിൽക്കുന്ന ഒരു വീഡിയോയുണ്ട്. സ്വപ്‍ന സുന്ദരി എന്ന പാട്ടിനു നടി ഷീലു എബ്രഹാം ചുവടുകൾ വയ്ക്കുന്ന ഒരു വീഡിയോ ആയിരുന്നു അത്. പാട്ടിനൊപ്പം ഷീലു കാഴ്ച വയ്ക്കുന്ന സ്റ്റെപ്പുകളിലെ കൗതുകം തന്നെയാണ് അതിനെ വൈറൽ ആക്കിയത്. എന്നാൽ ഈ വീഡിയോ ആദ്യം പുറത്ത് വന്നത്, ഇൻസ്റ്റാഗ്രാമിലെ ലോൺലി സുമ എന്നൊരു അക്കൗണ്ടിൽ നിന്നാണ്. ആരാണ് ഈ ലോൺലി സുമ?. എന്താണ് ഷീലുവും ലോൺലി സുമയുമായുള്ള ബന്ധം?

View this post on Instagram

A post shared by Suma (@lonely_suma)

ദീപു അന്തിക്കാട് സംവിധാനം ചെയ്യുന്ന നാലാം മുറ എന്ന സിനിമയിൽ ഷീലു എബ്രഹാം അവതരിപ്പിക്കുന്ന കഥാപാത്രത്തിന്റെ പേരാണ് ലോൺലി സുമ. സോഷ്യൽ മീഡിയയിൽ എന്തെങ്കിലും ഒക്കെ പോസ്റ്റ് ചെയ്തു വൈറൽ ആകാൻ ശ്രമിക്കുന്ന ഒരാളാണ് സുമ. ചിത്രത്തിന്റെ പ്രൊമോഷന്റെ ഭാഗമായി അണിയറ പ്രവർത്തകർ ലോൺലി സുമയെന്ന പേരിൽ ഒരു അക്കൗണ്ട് സൃഷ്ടിച്ചിരുന്നു. ആ അക്കൗണ്ടിലൂടെയാണ് വീഡിയോ പുറത്ത് വന്നത്.

വീഡിയോ വൈറൽ ആയതോടെ ഈ വീഡിയോയെ കുറിച്ചുള്ള ചോദ്യങ്ങൾ തനിക്ക് നേരെ ഒരുപാട് വരുന്നുണ്ടെന്നു ഷീലു എബ്രഹാം പറയുന്നു.” വീഡിയോ വാട്സ്ആപിൽ കിടന്നു കറങ്ങുകയാണ്, അമേരിക്കയിൽ നിന്നു പോലും പലരും വിളിച്ചു ചോദിച്ചു ‘ ഷീലു പറയുന്നതിങ്ങനെ.

ഏതായാലും സിനിമയുടെ പ്രൊമോഷൻ പ്ലാൻ വർക്ക്‌ ആയി എന്നുള്ള സന്തോഷത്തിലാണ് അണിയറക്കാർ. ഇന്നത്തെ കാലത്തു തീയേറ്ററുകളിലേക്ക് പ്രേക്ഷകർ എത്തണമെങ്കിൽ സിനിമയുടെ മാർക്കറ്റിംഗ് തന്ത്രങ്ങളിൽ കൂടുതൽ ശ്രദ്ധ ചെലുത്തേണ്ടത് അത്യന്താപേക്ഷികമാണ്. ലക്കി സ്റ്റാർ എന്ന ഹിറ്റ്‌ സിനിമക്ക് ശേഷം ദീപു സംവിധാനം ചെയ്യുന്ന ചിത്രമാണ് നാലാം മുറ. ബിജു മേനോനും ഗുരു സോമസുന്ദരവും പ്രധാന വേഷങ്ങളിൽ എത്തുന്നു. ഗുരു സോമസുന്ദരവും ബിജു മേനോനും പ്രധാന വേഷങ്ങളിൽ എത്തുന്നു.സൂരജ് വി ദേവ് ആണ് രചന. ദിവ്യ പിള്ള , ശാന്തി പ്രിയ, ഷീല എബ്രഹാം, സുരഭി സന്തോഷ്, ഷൈനി സാറ, അലൻസിയർ, പ്രശാന്ത് അലക്സാണ്ടർ എന്നിവരാണ് മറ്റുകഥാപാത്രങ്ങളെ അവതരിപ്പിക്കുന്നത്. ലോകനാഥൻ ഛായാ​ഗ്രഹണവും കൈലാസ് മേനോൻ സം​ഗീത സംവിധാനവും നിർവഹിക്കുന്നു.

പശ്ചാത്തല സംഗീതം – ഗോപി സുന്ദർ എഡിറ്റിംഗ് ഷമീർ മുഹമ്മദ് . കലാസംവിധാനം – അപ്പുണ്ണി സാജൻ, വസ്ത്രാലങ്കാരം – നയന ശ്രീകാന്ത്.
മേയ്ക്കപ്പ് – റോണക്സ് സേവിയർ . ഡിജിറ്റൽ മാർക്കറ്റിംഗ് – എന്റർടൈന്മെന്റ് കോർണർ, പ്രൊഡക്ഷൻ കൺട്രോളർ ജാവേദ് ചെമ്പ്. കിഷോർ വാരിയത്ത് USA, സുധീഷ് പിള്ള , ഷിബു അന്തിക്കാട് എന്നിവർ ചേർന്നാണ് നാലാം മുറ നിർമിക്കുന്നത്.വാർത്താപ്രചരണം -ജിനു അനിൽകുമാർ

3D ചിത്രങ്ങൾ എന്നും സിനിമാ ആസ്വാതകർക്ക് ഒരു വിസ്മയാനുഭവമാണ്. സ്തിരം 3D ചിത്രങ്ങളുടെ ശ്രേണിയിൽ നിന്നു മാറി ഇന്ത്യയിലെ ആദ്യ 3D ക്രൈം ത്രില്ലർ കാറ്റഗറിയിലാണ് വിക്രാന്ത് റോണ എത്തുന്നത്. കേരളത്തിലെ തീയേറ്ററുകളിലേക്ക് ദുൽഖർ സൽമാൻ അവതിരിപ്പിക്കുന്ന ആദ്യ അന്യ ഭാഷാ പാൻ ഇന്ത്യാ ചിത്രമെന്ന നിലയിലും ചിത്രത്തിന്റെ പ്രതീക്ഷകൾ വാനോളമാണ്. ചിത്രത്തിന്റെ പ്രിവ്യൂ കണ്ട വേയ്ഫറർ ഫിലിംസ് വമ്പൻ റിലീസ് തന്നെയാണ് ചിത്രത്തിനായി ഒരുക്കുന്നത്.

ഈച്ച എന്ന രാജമൗലി ചിത്രത്തിലൂടെ മലയാളി പ്രേക്ഷകർക്കിടയിൽ പ്രശസ്തി നേടിയ കിച്ച സുദീപ് നായക വേഷത്തിലെത്തുന്ന വിക്രാന്ത് റോണ മലയാളം ഉൾപ്പടെ 5 ഭാഷകളിലാണ് റിലീസ് ചെയ്യുന്നത്. ഹോളിവുഡ് നിലാവരത്തോട് കിട പിടിക്കുന്ന രീതിയിലാണ് ചിത്രത്തിന്റെ 3D മേക്കിംഗ് പൂർത്തിയാക്കിയിട്ടുള്ളത്. ചിത്രത്തിന്റെ ട്രൈലറിനും പാട്ടുകൾക്കും ഗംഭീര സ്വീകരണമാണ് ലഭിച്ചത്. ഇതിനോടകം തന്നെ 110 മില്ലിയൺ കാഴ്ചക്കാരാണ് ചിത്രത്തിന്റെ കണ്ടന്റുകൾ കണ്ടത്.

അനൂപ് ഭണ്ടാരി സംവിധാനം ചെയ്യുന്ന ചിത്രം ഒരു ഫാൻ്റസി ആക്ഷൻ ചിത്രമാണ്. ശാലിനി ജാക്ക് മഞ്ജുവും അലങ്കാർ പാണ്ട്യനും ചേർന്നു നിർമ്മിച്ച ചിത്രത്തിൽ സുദീപിൻ്റെ കിച്ച ക്രീയേഷൻസും നിർമ്മാണത്തിൽ പങ്കാളിയാണ്. വില്യം ഡേവിഡ് ആണ് കാമറക്ക് പിന്നിൽ, ബി അജിനേഷ് ലോകനാഥ്‌ ആണ് സംഗീത സംവിധായകൻ.
വോക്സ് കോമും ഫിഫ് സ്റ്റുഡിയോസും ചേർന്നാണ് ചിത്രത്തിന്റെ മാർക്കറ്റിംഗ്. പി ആർ ഒ : വൈശാഖ് സി വടക്കേവീട്, ജിനു അനിൽകുമാർ.