Review
ആക്ഷൻ രംഗങ്ങളുടെ ഉഗ്രൻ കാഴ്ച്ചാനുഭവമായി ഒരു ചിത്രം ; ദി കുങ്ഫു മാസ്റ്റർ റിവ്യൂ വായിക്കാം…..!

പൂമരത്തിന് ശേഷം എബ്രിഡ് ഷൈൻ ഒരുക്കി ഇന്ന് തീയേറ്ററുകളിൽ എത്തിയ ചിത്രമാണ് ദി കുങ്ഫു മാസ്റ്റർ. പൂമരത്തിലെ തന്നെ നായിക ആയ നിത പിള്ള കേന്ദ്ര കഥാപാത്രമായി എത്തുന്ന സിനിമയിൽ ജിജി സ്കറിയ, സൂരജ് എസ് കുറുപ്പ് എന്നീ താരങ്ങളും ഉണ്ട്. ഋഷികേശിൽ മാർഷ്യൽ ആർട്സ് ഉപദേശകരായി ജീവിക്കുന്ന സഹോദരങ്ങൾക്കിടയിൽ സംഭവിക്കുന്ന ചില കാര്യങ്ങളും തുടർന്നുള്ള സംഭവങ്ങളുമാണ് സിനിമ പറയുന്നത്.
ഒരു പ്രതികാര കഥ പറയുന്ന ഈ ചിത്രത്തിന്റെ കഥ വികസിക്കുന്നത് മേല്പറഞ്ഞ പോലെ നീത പിള്ള, ജിജി, സനൂപ് എന്നിവർ അവതരിപ്പിക്കുന്ന കഥാപാത്രങ്ങളുടെ ജീവിതത്തിലൂടെ ആണ്. റിഷി, റാം ഒരു കുങ്ഫു മാസ്റ്റർ എന്നിവരുടെ കുടുംബത്തെയും അതിനെ ചുറ്റിപ്പറ്റിയുള്ള ഒരു പ്രതികാരത്തിന്റെയും കഥയാണ് ഈ ചിത്രം പറയുന്നത്. ലൂയിസ് ആന്റണി എന്ന കഥാപാത്രത്തിന് എതിരെ തെളിവുകൾ നൽകുന്ന ഒരു പോലീസ് ഇൻഫോമർ ആയി റിഷി മാറുന്നതോടെ ചിത്രത്തിന്റെ കഥാഗതി മാറുന്നു.
കഥയ്ക്ക് ഇണങ്ങിയ മേയ്ക്കിങ് നൽകി കൊണ്ട് ഒരിക്കൽ കൂടി എബ്രിഡ് ഷൈൻ തന്റെ കഴിവ് പുറത്തെടുത്തപ്പോൾ സിനിമയുടെ ഭംഗി ഒട്ടും ചോർന്നു പോവാതെ തന്നെ സംഗീതവും മികച്ചതായി ഒരുക്കിയിട്ടുണ്ട്. ട്രെയ്ലറിലെ പോലെ തന്നെ ദൃശ്യ ഭംഗി ഏറെയുള്ള ഛായാഗ്രഹണം തന്നെ ആണ് ചിത്രത്തിലുടനീളവും. മേജർ രവിയുടെ മകൻ കൂടിയായ അർജുൻ രവി ആണ് മനോഹര ദൃശ്യങ്ങളുടെ പിന്നിലെ കണ്ണ്. എന്റർറ്റെയ്നർ എന്നതിലുപരി ഒരു സീരിയസ് ആക്ഷൻ ചിത്രമാണ് കുങ്ഫു മാസ്റ്റർ. ഗംഭീര ആക്ഷൻ രംഗങ്ങളുമായി നായിക നീത പിള്ള മികച്ച പ്രകടനം കാഴ്ചവെച്ചിട്ടുണ്ട്.
ചുരുക്കി പറഞ്ഞാൽ ദി കുങ്ഫു മാസ്റ്റർ ആക്ഷൻ മൂഡിൽ കഥ പറയുന്ന ഒരു മികച്ച ത്രില്ലർ ചിത്രമാണ്. പ്രേക്ഷകനെ പിടിച്ചിരുത്തുന്ന രീതിയിൽ കഥ പറയുന്ന ഈ ചിത്രം ഗംഭീരമായ അവതരണ ശൈലി കൊണ്ടും താരങ്ങളുടെ കിടിലൻ പെർഫോമൻസ് കൊണ്ടും മികച്ചു നിൽക്കുന്ന ഒരു സിനിമാനുഭവം ആണ്.
Review
സാമൂഹിക പ്രസക്തമായ വിഷയത്തിൽ ഊന്നി ഒരു ചിത്രം ; യുവം റിവ്യൂ വായിക്കാം…!!

പിങ്കു പീറ്റർ സംവിധാനം ചെയ്തിരിക്കുന്ന ‘യുവം’ വൺസ് അപ്പോൺ എ ടൈം പ്രൊഡക്ഷൻസിന്റെ ബാനറിൽ ജോൺ മക്കോറയും പിങ്കു പീറ്ററും ചേർന്ന് ആണ് നിർമ്മിച്ചിരിക്കുന്നത്. അമിത് ചക്കാലക്കൽ, ഇന്ദ്രൻസ്, നിർമ്മൽ പാലാഴി, സായികുമാർ, ഷാജോൺ, ജാഫർ ഇടുക്കി, നെടുമുടി വേണു, ചെമ്പിൽ അശോകൻ, അഭിരവ് എന്നിവർ പ്രധാന വേഷങ്ങളിൽ വരുന്ന യുവത്തിൽ പുതുമുഖമായ ഡയാന ഹമീദ് ആണ് നായിക.3 യുവ അഡ്വക്കേറ്റ്മാർ കെഎസ്ആർടിസിയുടെ പ്രശ്നങ്ങളില് ഇടപെടുകയും എങ്ങനെ നഷ്ടത്തില് ആയ കെഎസ്ആര്ടിസിയെ ലാഭത്തില് ആക്കാം എന്നിവയെക്കുറിച്ചാണ് കഥയില് പറയുന്നത്. വാരിക്കുഴിയിലെ കൊലപാതകത്തിന് ശേഷം അമിത് ചക്കാലക്കല് നായകനായി അഭിനയിക്കുന്ന ചിത്രമാണിത്.ചിത്രത്തിന്റെ പാട്ടും പശ്ചാത്തല സംഗീതവും നല്ലതായിരുന്നു.ചിത്രത്തിന്റെ ആദ്യ ഭാഗത്തില് വ്യത്യസ്തങ്ങളായ സാമൂഹ്യ വിഷയങ്ങളെക്കുറിച്ചാണ് പറയുന്നത്,രണ്ടാം ഭാഗത്തില് കെഎസ്ആര്ടിസിയുടെ കലക്ഷന് പോരായ്മകളെക്കുറിച്ചുമാണ്. രണ്ടു മണിക്കൂര് ദൈര്ഘ്യത്തില് പ്രേക്ഷകനെ ഒപ്പം കൂട്ടി ഇഷ്ടപ്പെടുത്തുന്ന കഥ പറയുന്ന രീതി യുവം നല്ലൊരു തിയേറ്റര് വാച്ച് നല്കാന് കെല്പ്പുളള സിനിമയാക്കി മാറ്റി. ഈ കാലത്തെ സമൂഹത്തിലെ കാര്യങ്ങൾ വെടിപ്പ് ആയി പറഞ്ഞതിൽ ആണ് യുവം എന്ന ചിത്രത്തിന്റെ വിജയം.
Review
നർമത്തിൽ പൊതിഞ്ഞ നല്ല അസ്സൽ ചിത്രം ; സാജൻ ബേക്കറി സിൻസ് 1962 റിവ്യൂ വായിക്കാം….!!

റാന്നിയിലെ ചെറിയൊരു ബേക്കറിയില് നിന്നും വ്യാപാരി വ്യവസായി സമതിയിലെ സംസ്ഥാന തലത്തിലേക്ക് വരെ എത്തിയ സാജന് കാത്ത് സൂക്ഷിച്ച ഹോണസ്റ്റിയും അയാളുടെ കൈപുണ്യവും അതാണ് ഇന്നും സാജന് എന്നാല് റാന്നിക്കാര്ക്ക്. ഇപ്പോള് സാജന് ബേക്കറിയുടെ അമരത്ത് സാജന്റെ മക്കളായ ബെറ്റ്സിയും ബോബിനുമാണ്. ഇരുവര്ക്കുമിടയിലെ വഴക്കും പിണക്കവും ഇണക്കവുമെല്ലാം രസകരമായി പ്രേക്ഷകരെ തിയറ്ററില് പിടിച്ചിരിത്തും വിധം ഒരുക്കിയ ചിത്രമാണ് സാജന് ബേക്കറി.
അൽപം ദേഷ്യക്കാരനും ബേക്കറി ബിസിനസ്സിൽ താല്പര്യം ഇല്ലാത്തവനുമാണ് ബോബിൻ. എങ്ങനെയെങ്കിലും ഓസ്ട്രേലിയയിലേക്ക് മൈഗ്രേറ്റ് ചെയ്യണമെന്നാണ് ബോബിന്റെ ലക്ഷ്യം. ബെറ്റ്സിയാകട്ടെ തന്റെ ജീവിതപ്രശ്നങ്ങളിൽ നിന്നും ഒരു മോചനമാണ് ബേക്കറിയിലെ ജോലികളിൽ നിന്നും ആഗ്രഹിക്കുന്നത്. കരുതലല്ല എല്ലാം തുറന്നു പറയുവാനൊരിടമാണ് താൻ ആഗ്രഹിക്കുന്നതെന്ന ബെറ്റ്സിയുടെ വാക്കുകളിൽ നിന്ന് തന്നെ ആ കഥാപാത്രം കടന്നുപോകുന്ന അവസ്ഥ വ്യക്തമാണ്. ഇരുവരും തമ്മിൽ പുറമേ വഴക്കും ബഹളവുമാണെങ്കിലും ഉള്ളിന്റെ ഉള്ളിൽ ഇരുവർക്കും പരസ്പരം വലിയ കരുതലും സ്നേഹവുമാണ്. ഇരുവർക്കും നടുവിൽ എല്ലാം കണ്ടും കേട്ടും അമ്മാച്ചനും ജീവിക്കുന്നു. ഇവരുടെ ജീവിതത്തിൽ സംഭവിക്കുന്ന പല പ്രശ്നങ്ങളും അവക്കെല്ലാം കണ്ടെത്തുന്ന പരിഹാരവുമാണ് ചിത്രത്തിന്റെ പ്രമേയം.
അരുൺ ചന്ദു, സച്ചിൻ ആർ ചന്ദ്രൻ, അജു വർഗീസ് എന്നിവർ ചേർന്നൊരുക്കിയ തിരക്കഥ പ്രേക്ഷകന് ചിരിക്കാനും ചിന്തിക്കാനും ഏറെ നൽകുന്നുണ്ട്. അതോടൊപ്പം തന്നെ ഇടയിൽ ഒരു ലാഗിങ്ങും ചിത്രത്തെ പിന്നോട്ട് വലിക്കുന്നുണ്ട്. ഗുരു പ്രസാദ് എം ജിയുടെ സിനിമാറ്റോഗ്രഫിക്ക് തീർച്ചയായും കൈയ്യടി നൽകണം. ജീവിതക്കാഴ്ചകൾ ഒപ്പിയെടുക്കുന്നതിനോടൊപ്പം തന്നെ കൊതിയൂറും രീതിയിൽ ബേക്കറിക്കാഴ്ച്ചകളും സമ്മാനിക്കുന്നതിൽ അദ്ദേഹം വിജയിച്ചിരിക്കുന്നു.
തിയറ്ററിലേക്ക് പ്രേക്ഷകനെ ആകര്ഷിക്കാന് പര്യാപ്തമായ ചിത്രങ്ങള് ആവശ്യമുള്ള ഇന്നത്തെ സാഹചര്യത്തില് അതിനുതകുന്ന ഒരു കുടുംബ ചിത്രം തന്നെയാണ് സാജന് ബേക്കറി സിന്സ് 1962.
Review
കാലഘട്ടം ആവശ്യപ്പെടുന്ന ചിത്രം ; ഓപ്പറേഷൻ ജാവ റിവ്യൂ വായിക്കാം….!!

ബി ടെക് കഴിഞ്ഞ രണ്ട് യുവാക്കൾ നല്ലൊരു ജോലിയിൽ കേറാൻ വേണ്ടി നെട്ടോട്ടം ഓടുകയും തുടർന്ന് അവർക്ക് താൽക്കാലികമായി കേരള സൈബർ സെല്ലിൽ ജോലി കിട്ടുകയും തുടർന്ന് ഉണ്ടാവുന്ന കേസുകളിലൂടെ ഉള്ള സംഭവവികസങ്ങളിലൂടെ കഥ പറഞ്ഞു പോകുന്ന ഒരു സിനിമ ആണ് ഓപ്പറേഷൻ ജാവ.2015ലെ പ്രേമം സിനിമ സെൻസർ കോപ്പി വിവാദത്തിൽ നിന്നും ആരംഭിക്കുന്ന കഥ ഓണ്ലൈൻ തട്ടിപ്പ്,ജോലി തട്ടിപ്പ്,കൊലപാതകങ്ങൾ തുടങ്ങിയ നിരവധി കേസുകളിൽ സൈബീർസെല്ലിന്റെ അന്വേഷണ രീതിയും സഹായങ്ങളും കാണിച്ചു തരുന്നു.അഭിനയത്തിലേക് പറയുകയാണെങ്കിൽ ബാലു വർഗീസ്,ലുക്മാൻ ലുക്കു എന്നിവരുടെ പ്രകടനം നന്നായിരുന്നു .ഇടക് വന്ന വിനായകൻ, ഷൈൻ ടോം ചാക്കോയും അവരുടെ വേഷങ്ങൾ നന്നായി ചെയ്തു .പിന്നെ കൂടെ അഭിനയിച്ച ഇർഷാദ് അലി ,,ബിനു പപ്പു എന്നിവരുടെയും നല്ല സപ്പോർട്ടിങ് റോൾസ് ആയിരുന്നു .എടുത്തു പറയേണ്ടത് നല്ല detailing ആയി കാണിച്ച തരുൺ മൂർത്തിയുടെ തിരക്കഥയും സംവിധാനവും മികച്ചത് ആയിരുന്നു. ജയ്ക്സ് bejoyiyude രണ്ടു പാട്ടുകളും ,ബിജിഎം ഒക്കെ പടത്തിന്റെ മെയിൻ പ്ലസ് പോയിന്റ്. ക്യാമറ കൈകാര്യം ഫൈസ് സിദിഖ് മനോഹരമായി നൈറ്റ് ഷോട്സും പടത്തിനു മുതൽക്കൂട്ട് ആണ്. മികച്ച തിരക്കഥയും നല്ല എൻഗേജിങ് ആയ മേക്കിങ്ങും ജയ്ക്സ് ബിജോയ്യുടെ കിടിലൻ ബിജിഎം കൂടെ ചേരുമ്പോൾ ജാവ കിടിലൻ സിനിമനുഭവം ആയി മാറുന്നു.
-
Movie Song2 years ago
പ്രണവ് മോഹൻലാൽ – അരുൺ ഗോപി ചിത്രം ഇരുപത്തിയൊന്നാം നൂറ്റാണ്ടിലെ ആദ്യ വീഡിയോ സോങ്ങ് ‘ആരാരോ ആർദ്രമായി’ പുറത്തിറങ്ങി…!
-
Review2 years ago
മലയാള സിനിമ ലോകത്തിനു അഭിമാനിക്കാൻ ഒരു ചിത്രം കൂടി ; 9 മൂവി റിവ്യൂ വായിക്കാം…!
-
Other Videos2 years ago
മോഹന്ലാലിന്റെ മാസ് ലുക്ക്… വീഡിയോ കാണാം
-
Latest News2 years ago
‘നിങ്ങള് ഇങ്ങനെ ചിരിക്കരുത്’; പരിപാടിക്കിടെ ചിരി നിര്ത്താന് ആവശ്യപ്പെട്ട ആള്ക്ക് മറുപടിയുമായി സിതാര; കയ്യടിച്ച് സോഷ്യല് മീഡിയ….!
-
Movie Trailers & Teasers2 years ago
ജീത്തു ജോസഫ് ചിത്രം മിസ്റ്റർ ആൻഡ് മിസിസ് റൗഡിയുടെ കിടിലന് ടീസര് കാണാം…!
-
Movie Trailers & Teasers2 years ago
കിടിലൻ ഡാൻസുമായി ചാക്കോച്ചൻ… അള്ള് രാമേന്ദ്രനിലെ കിടിലൻ സോങ്ങ് ടീസർ വീഡിയോ കാണാം….
-
Review2 years ago
രണ്ടാമങ്കത്തിലും വിജയം കുറിച്ച് അരുൺ ഗോപിയും പ്രണവ് മോഹൻലാലും ; ഇരുപത്തിയൊന്നാം നൂറ്റാണ്ട് റിവ്യൂ വായിക്കാം….!
-
Latest News1 year ago
സൂപ്പർ ഹിറ്റായി പൊറിഞ്ചു മറിയം ജോസ്; ഇവർ ജീവിച്ചിരുന്ന കഥാപാത്രങ്ങൾ..!